NSV WORD SPELLING COMPETITION IN MIPUI NGAIHVEN A HLAWH

Nizan khan New Skylinks Vision leh SSA Mission, Saiha District buatsaih ‘NSV Word Spelling Competition 2010’ chu NSV Studio ah nei leh ani a, he Competition ah hian School hrang hrang atanga Top 9 thlanchhua ten intihsiakna hi an hmachhawn leh.. Nizan lam intihsiakna ah hian Schooll naupangte duhsakna thipetu pawh an thahnem thawkhat hle a, zandang ang lo takin Scholl naupang tel te paw’n zawhna (spelling) awlsam/ thamloh takin an chhang zut zut mai ani. Hei hian nasa takin zirlaite hma an sawn tih atilang chiang hle. Abuatsaihtute lam inpuachahna pawh atha thawkhat ang bawkin, nizan lam intisiakna hi afelfaiin Live-a in lam atanga lo thlirte pawh an thahnem hle. Nizan intihsiakna ah hian NSV chhuanvawr. Tv.S.Phokhai(Pakhai), Nl.Babe, Nl.Duri leh Pu.Lalzuiliana (Mazui-a) ten hnehsawh takin School naupangte Word hrang hrang spell tiring hun hi an kaihruai a ni. Nizan Intihsiakna hi abuatsaihtuten felfai zawka kalpui an duh avangin, School naupang, Word Spelling-a tel, lo hruaitute paw Studio-a an luh phalsak an nil ova. Pawn lam atangin TV hmangin he intihsiakna hi an thlir a ni. New Skylinks Vision buatsaih NSV Words Spelling Competition hi nikum lam khan buatsaih alo ni tawh a, nikum lama intihsiakna ah khan Saiha District huamchhunga School hrang hrang (Private School tiamin) ten he Competition hi hmachhawnin an hlawkpui mai piah lamah, he Programme hi ahlawtling thawkhat hle a. Hetia ahlawtlin tak em avang leh rah tha tak zirlaite tan ahrin avang hian SSA lam hotute chuan Kum 2010 Word Spelling Competition hi MADC hnuaia Primary School te tan chauh buatsaih nise, sum pawh atul angin kan Sponsored ang an ti avangin, tunkum intihsiakna ah hian Private School te chu an tel thei ta loh ani.