KUM 33 ABO HNUAH LOKIR LE!!
Kum 33 lai a chinchang hre lova abo vang vang hnuah Pu.Khawtinkhuma Chinzah Kum 56-a upa chuan dam takin apian leh murna Bualpui ‘Ng’ athleng ta. Khawtinkhuma Chinzah hi Mizo Lal Pu.Dokulha fapa Tialupa Kum 86 leh Chhiathluaii Kum 84 te fa 8 te zinga Upa ber dawttu niin, Kum 1944 khan Bualpui ‘Ng’ ah apiang a, kum 1969 khan Shilong atangin Navy ah atang.
Kum 1977-a chawlh arawn hman chu kumtawp lama a farnu Ziki nen Shilong ah an chhuka, chumi hnu chuan ahnathawhna Mumbai apan le a, chu chu a unauten an hmu tawpna a ni. A chhungten a chanchin an hreta lo vang vang a, achhungte chuan a damlai lungphun hial an tum a, mahse a nu in aphal loh avangin Lung erawh an phum ta lem loh ani.
Khawtinkhuma Chinzah hi a U C.Thankunga Joint Secretary to Governor, Gov’t of Mizoram leh anau Dokulha Sub Divisional Officer Siliguri atangin an zukla chhuak a, May ni 12 khan Aizawl rawn luhpuiin, nizan khan Saiha lo thlenpuiin, nizan la la khan apian leh murna, an Khua Bualpui ‘Ng’ panpui nghal a ni. Vawiin lam khan Bualpui ‘NG’ khua a achhung te le an khaw mipuite chuan dam taka alo kir leh lawmna Pathian hnena tawngtai lawmthu sawina hun rawih nen an hmang ani.
He lawmna inkhawm ah hian ama zawngchhuaktu Nl.Tete-i chuan Report kimchang pein, Ama Khawtinkhuma pawhin thusawina hun hmangin, Dam taka achhung te leh a unau te ahmu thei chu lawmawm ati thu asawi. Khawtinkhuma hian Mizo tawng ahmag thei tawh lo avangin Saptawng in thusawina hun ahmang. Khawtilkhuma hi achhungte a unauten mibo anga an ngai laiin, ani thung chuan, ‘Mipa chu ramchhuak tura chuak kan ni chuan tum neiha fechhuak kan nih a, mibo anga min ngai hi adiklo ani’ ati.
Khawtinkhuma hi Navy-a atan laiin,Mumbai-ah December Ni.24,1982 khan Bike in chesual palhin alu asawh a, hun engemaw chen Hospital-ah hun engemaw chen awmin, hemi atang hian ahriatna(memory) pawh engemaw chen ahloh phah a ni. Hemi avang hian tunthleng hian Mizo tawng pawh athiamlo phah niin an sawi.
Damdawi In atanga achhua hnu hian mipangai ani le tawh a, amaerawh chu tunge ani? Khawi lam mi nge ani tih pawh inhre tawh lovin a awm tiin anau chuan asawi.Mahse 1983 khan Bagdhad atangin lekha adawnga, ‘Iraq ah Oil Company ah ka thawk dawna, kan Address achiang rihlo’ tih arawn thawn a, chumi hnu chuan lekha emaw, Phone in emaw an in bepawp tawh ngailo tih achhungte chuan an sawi.
